SaTxU

Irakasgaiaren Ebaluazioa

2008-06-05T04:23:00.000-07:00

EBALUAZIOA

Gauza asko ikasi ditut irakasgai honetan. Hasteko, teknologia berriek eskaintzen duten erabilgarritasuna eta efikazia frogatu ahal izan dut eta gustura sentitzen nahiz lortu dudanarekin.

Aztertu eta lehendabiziko aldiz ikusi ditugun programa ezberdinak erabiltzen eta nire beharretara moldatzen ikasi dut. Hau da, programa horiek nola funtzionatzen duten ikasteaz aparte, tresna gisa erabili ahal izan ditut egin behar izan ditugun lan ezberdinetan.

Movie maker programaren erabilera modu sakonago batean aztertu ahal izan dut eta oso baliagarria izan daitekeen programa bat iruditu zait. Honek eskatzen duen sormena, erronka bat da niretzat eta beti egin beharreko lanak ondo bukatzearen gogoarekin egon naiz ( ez baitzait gauzak erdipurdi uztea gustatzen). Modu batez, ezagutzen ez nituen baliabideak topatu eta gustuko ditudan lanetarako nola erabiltzen ikasi dut.

Orokorrean, ikusi ditugun gauza guztiak suertatu zaizkit interesgarri. Dena den, badago zerbait gure aurka egon dena: denbora, hain zuzen ere. Gauza asko ikasi ditugu baina modu oso “ajetreatu” batean. Beste patxada batekin ikasteko aukera egon beharko litzatekeela iruditzen zait. Izan ere, teknologia berrien gai hau, interesgarria izateaz gain, oso beharrezkoa da gure lan munduan. Eta noski, haur hezkuntzako irakasleak izango garen ideia horrekin, ezinbestekoa ikusten dut honen formazioa.

Bestalde, zerbait aipatzekotan, taldearen kopurua izango litzateke. Hainbeste jende izanik, zaila suertatzen da batzutan irakaslearen atentzioa bereganatzea eta dituzun zalantzak argitzea. Horregatik, talde kopuru txikiago batekin klaseko lana arindu eta eraginkorragoa izango zitekeela pentsatzen dut.

Talde lanari dagokionez, positiboa ikusten dut beste ikaskideekin lan egitea. Izan ere, taldean ez zaude bakarrik eta suertatzen zaizkizun dudak edota “okurrentziak” konpartitu ditzakezu eta modu berean argitu (dudak badira) edota praktikan jarri (ideia onak badira). Lanak taldetan egitearen ideia onuragarria dela pentsatzen dut.

MUSEO BIZIAK

Oso interesgarria iruditu zait Museo Bizien erabilpena. Izan ere, beste pertsonekin erlazionatzeko eta hauek dituzten interesak konpartitzeko polita iruditu zait. Horretaz gain, positiboa ikusten dut bertan jendeak plazaratu ditzakeen lanak eta bideoak begibistan izatea. Honela, besteek dituzten ideiak, informazioa…ikusi daiteke eta horretaz gain, beraien lanak nola egin dituzten (horrek ere hurrengo lan baterako ideiak eman baititzake).

Gustora aritu naiz parte hartzen. Dena den, behar bada gehiegizkoa iruditu zait hainbeste lekutan (museo bizietan, blog-ean, platarforman, gero berriro ere cd batean…) gure lanak plazaratzea. Ez dakit hain beharrezkoa ote zen. Hala ere, gustora nago egindakoarekin eta lortutakoarekin.

PLATAFORMA

Plataformari dagokionez, erabilgarria izan dela uste dut. Egin behar diren lan guztiak eta horretarako beharrezkoak izan zitezkeen zenbait baliabide aurkitzen dira…beraz, gauzak argi izateko eta zalantzaren bat izanez gero erraz bisitatu daitekeen gunea dela pentsatzen dut. Irakasleek eskatzen dituzten ariketak eta jarduerak nonbaiten apuntatuta izateko interesgarria iruditu zait. Foroa ere, ez dago gaizki, dena den ez diogu gehiegizko erabilgarritasunik eman. Izan ere, beste zenbait gauzetan egon gara murgildurik. Dena den, eman diogu, nahiz eta gutxi izan, behar duen erabilera. Hori da azkenean garrantzitsuena: behar denerako baliabide hori izatea.

Egia esan, plataforma nahiko konpletoa iruditu zait. Tresna eta baliabide egoki bat hezkuntza mundurako, alegia.

Bideoa: Baztango Uholdea 1913

2008-05-27T05:08:00.000-07:00

Oraingo honetan, 1913.urtean Baztanen egondako uholdearen istorioa kontatzen duen bideo bat egin dugu. Bideo honetan, beste gauzen artean, pertsona batzuen testigantzak eta herriko lehen eta oraingo argazkiak agertzen dira.

Besterik gabe, hemen uzten dut zuek ikus dezazuen!

Hasiera batean, nahiko galduak sentitu ginen gaia aukeratzerako orduan. Orainaldia eta lehenaldia elkarlotzen dituen gai bat behar genuen, baina ez genuen geure bideoa bi elementu hauek jorratzen dituen edozein gairekin sortu nahi. Guretzat esanguratsua izango zen gai bat nahi genuen, gurekin erlazioa izango zuena.

Lurdesek, Baztango bailaran sorturiko uholdeak aipatu zizkigun, baina guk aldiz, ez genuen gai horren inguruan sekula ezertxo ere entzun. Lurdesek ere, bertakoa den arren, ez zuen gertakizun honen inguruko informazio gehiegirik; 1913an gertatu zela eta sekulako hondamendia sortu zuela soilik.

Taldeko guztioi gai aproposa iruditu zitzaigun, baina oraindik, lanaren alderdi zailenetarikoa geratzen zitzaigun: informazioa bilatzea.

Erabili genuen lehen informazio-iturria, internet izan zen. Bertan, uholdeak utzitako hondamendiak islatzen zituzten zenbait argazki aurkitu genituen, baina gertatutakoaren inguruan aldiz, oso informazio gutxi topatu genuen. Gainera, informazio hori ez dagoela edonoren esku berehala konturatu ginen. Gaiaren inguruan dauden dokumentuek jabetza pribatua dute, beraz, Lurdez Elizondokoa denez, bere herriko batzuengandik jaso dugu informazioa.

Bideoa ere, Elizondo herriak jasan zuen egoeran eta bertatik lortutako argazki eta dokumentuetan oinarritzen da gehien bat; batetik, bertan lortu dugulako informazioa gehien, eta bestetik, Lurdes bertakoa dela kontuan hartuz, ilusio gehiago egiten zigulako Elizondo herriari indar gehien ematea.

Egindako ariketa ezberdinak

2008-05-27T04:47:00.000-07:00

Hemen uzten ditut talde bezala egin behar izan ditugun ariketak.

Teknologia Berrien inguruko Hausnarketa
Foroan plazaratutako teknologia-hezkuntzaren gaineko komentarioa
Ikasgaiaren aurkezpena (Power Point)

| View | Upload your own

Access - ARIKETA

2008-05-15T10:15:00.000-07:00

Access programan proposatu behar ziren 20 jarduerak egin ditugu.
Jarraian, agertzen den link-a klikatuz gero, talde bezala egin dugun ariketa hau ikusiko duzue:

ACCESS_ARIKETA

13.eguna

2008-05-13T04:25:00.000-07:00

Gaurkoan, erlojua eta egutegia erantsi dizkiot nire blog-ari. Horretarako, bi web orrialde ezberdinetan sartu behar izan naiz eta gehiago gustatu zaizkidan erloju eta egutegia aukeratu ditut.

(Web orrialde hauek, idatzitako "erlojua" edota "egutegia" hitzak klikatuz aurkituko dituzue).

12. eguna

2008-05-07T00:43:00.000-07:00

Gaur, irakasgairako egin behar dugun bideoaren gaia zein izan daitekeen pentsatu dugu: "Baztango uholdeak".
Hau erabakita, gai honi buruzko argazkiak eta berri ezberdinak aurkitzen eta biltzen joan gara. Honela, dugun materiala eta informazioa zein den ikusita, errazagoa egingo zaigu bideoa gauzatzea.

11. eguna

2008-05-06T04:03:00.000-07:00

Gaurkoan, irakasleak egin beharrekoak nola egin behar ditugun azaldu eta berriro ere denbora librea izan dugu gure lanak burutzeko. Denbora horretan, bideo bat egiten ibili naiz Movie Maker-arekin. Bertan, argazkiak eta bideo bat sartu dugu eta honetarako, Media Converter erabili behar izan dugu, izan ere, sartu nahi genuen bideoa programak onartzen ez zuen formatu batean zegoen.

Jarraian sartzen dut bideoa, Kirol Jarduerak II-n egindako ibilbidea deskribatzen duen bideoa, alegia. Espero dut gustokoa izatea...

10. eguna

2008-04-30T00:58:00.000-07:00

Gaurko eguna ere, bidalitako lanak egiteko erabili dugu. Dena den, horretaz gain, bloggean etiquetak nola jartzen diren ikasi dugu.

9. eguna, Hiru bideoen komentarioa

2008-04-29T04:47:00.000-07:00

Hementxe uzten dut talde bezala egindako Teknologia Berriei buruzko bideoen komentarioa:
(Aipatutako bideo hauek irakasgaiaren plataforman aurkitzen dira)

1.- Bideo hau ikusi ondoren, pentsatu gure gizartean sortzen ari den teknologia berriko etengabeko aplikapenak eta nola eragintzen digun. Erlazionatu zientzia ,giza eta kultur berrikuntzarekin eta ze harremanak ditu montatu dute negozioarekin. Ze nolako arazoak teknlogiaren kontsumo ero honek ekar dezake? Eta benetazko aurrerakoia den irakaskuntzan bere erabilpena. Taldean hitz egin eta ondorioak idatzi (15-25 lerro )

Teknologiak berebiziko garrantzia eta eragina izan du gure gizartean. Gizakiak, betidanik, lan zail eta nekagarriak arintzeko baliabideak bilatzeari ekin dio, eta honela, teknologiaren agerpena eta eboluzioa eman da. Honek, aldaketa handiak suposatu ditu; gizartean ez ezik, baita kulturan, zientzian eta hezkuntzan ere.

Gizartea ikaragarri aldatu da teknologia berriak eskaini dituen lehen asmakuntzez geroztik. Gizakion egunerokotasuna, lana, beharrak eta baita pentsakera ere aldatu ditu. Lana, esaterako, guztiz deshumanizatu da. Garai batean eskuz eginiko lanak zuen indar gehien; egungo gizartean aldiz, produktibitatea bilatzen da eta behar horren ondorioz, makinek egiten dute “esku-lana”.
Zientziaren arloen ere, zeresan handia izan du; teknologian eman diren aurrerapenek arlo honetan eman diren aurrerapenetan lagundu baitute (astronomian, genetikan…)

Kulturalki, gure gizarteak aldaketa handiak ere jasan dituela begi-bistako zerbait da. Teknologia berria gure kulturaren parte garrantzitsu bilakatu da, lan neketsua erraztearen nahiak kontsumo-gizarte bilakatu gaituelarik. Aurrerakuntzaren bitartez, “behar” berriak sortu dira eta hauek asetzeko lanaren zati handi bat teknologiak hartu du.

Bestalde, hezkuntza-mailan izan duen eragina ez dugu aurreko arloetan aipaturikoa bezain esanguratsua ikusten. Egungo gizartean, teknologia menperatzea eta honekin lan egiteko gai izatea eskatzen da. Eskolak, bestelako helburuen artean, gizabanakoa lan mundurako prestatzeko helburua du, eta kontresana dirudien arren, ez ditu haurrak teknologiarekin lan egitera bultzatzen. Zentzu horretan, betiko metodologia tradizionalarekin jarraitzen duela esan genezake, agian, ziurrenik, ezjakintasunagatik edota teknologia berriak haurren lanean nola aplikatu ez jakiteagatik. Beraz, honi dagokionean, eskola hankamotz geratu dela uste dugu; teknologia berria ikasgeletan sartu den arren (ordenagailua), haurren egunerokotasunean hainbesteko garrantzia duen honen irudia eskasa da.

2.-Bideoklip hau ikusi.
Ikusi ondoren pentsatu zure bizitzan teknologiak ekarri dituen 5 aldaketa inportantenak azken hamar urtetan. Aukeratu eta azaldu

INTERNET
Abantailak: Ez dago inongo dudarik, internet informazio-iturri zabala dela eta horrek erosotasun handia eskaintzen duela. Gainera, telebista edo irratiaren kasuan gertatzen ez den bezala, guk maneiatzen dugu zer den bilatu nahi duguna, gure interesen baitan egiten baititugu bilaketak.
Horretaz gain, komunikazioa ahalbidetzen duen tresna da eta horrek urruneko pertsonekin ere kontaktuan egon ahal izatea eskaintzen digu.

Desabantailak: Ematen zaion erabileraren baitan, internetek desabantaila ugari ekar ditzake. Mugarik gabeko mundu zabala da, kontrolik gabekoa, eta horrek delitu eta engainu asko dakartza.Gaztetxoek mota guztietako informazioa dute eskuragarri, zenbaitetan arriskutsua izan daitekeen informazioa.

Horrekin batera, askotan internetez gain bestelako informazio iturri interesgarriak ere badirela ahazten dugu eta honen erabilera hutsera mugatzen gara.

MOBILA
Abantailak: Komunikazio aukera handia eskaintzeaz gain, gure egunerokotasunerako erosotasuna suposatzen du. Edozein unetan edonorekin hitz egin edo edonora deitu ahal izateak sekulako aurrerapena suposatzen du, hortaz, muga guztiak apurtu dituela esan genezake.
Desabantailak: Askotan abantaila dena, desabantaila ere bilakatu daiteke, aparatu horren esklabu bilakatzen garelarik (mobila lanerako tresna denean esaterako). Horretaz gain, gure gizarterako ezinbesteko bezala inposatu diguten tresna da, horrekin batera kontsumismora bultzatzen gaituztelarik.

ARGAZKI KAMERA DIGITALA
Abantailak: Alde batetik erosotasuna eskaintzen digu (maneiatzen eta eramaten erraza da, argazkiak aukeratu, moldatu edo ezabatu daitezke…), eta bestetik, argazkiak atera eta moldatzeko garaian aukera handiak eskaintzen ditu (mota desberdineko argazkiak atera daitezke, ordenagailuarekin bateratuz, zenbait programekin moldaketa interesgarriak egin daitezke…)
Desabantailak: Pilen edo bateriaren beharra du, eta pixel gutxiko kamera izanez gero kalitate txarreko argazkiak lortzen dira.

ORDENAGAILUA
Abantailak: Erosotasun handia eskaini dezakeen aparatua da (eskuz ez idatzi beharragatik, programa desberdinek ematen dituzten aukera anitzengatik…)
Desabantailak: Askotan ordenagailuen esklabu bilakatu ohi gara, maiz ez baitakigu hauek ongi maneiatzen eta arazo asko ematen dituztelako. Askotan ordenagailuak bere kabuz gauzak egiten ditu eta horren aurrean ez dakigu soluzioa bilatzen.

MP3/4
Abantailak: Argazki, bideo eta audio ugari eramangarriak bilakatzen dira, edonon hauek entzun eta ikusteko aukera eskaintzen baitu.
Desabantailak: Bateria edo pilen beharra du eta pirateria eragiten du, artxibo gehienak internetetik jaitsiz lortzen baitira.

3.- Bideoklip hau begiratu eta 15 lerro idatzi umeak eta gaztetxoen bizitzan ze eragin izan duen Teknologia berriak

Bideoklip honetatik oso esanguratsua iruditu zaigu “teach me…” esaldia, izan ere, haurren egunerokotasunean teknologia oso presente dago, baina eskolan ez da teknologiek eskaintzen dituzten baliabide guztiak erabiltzen hauekin lan egin eta ikasteko.

Argi dago, teknologia berriak oso erakargarriak direla haurrentzat, baina normalki, hauen ezagutza eta lehen kontaktua ez da eskolan ematen. Txiki-txikitatik, teknologiaz inguraturik aurkitzen dute beren egunerokotasuna, eta pixkanaka, mundu liluragarri bezain konplexu horrekin harremanetan jartzen hasten dira, kasu askotan, teknologia helduak adina edo gehiago ezagutu edo menperatzen ikasten dutelarik.

Haurrak, helburu ludiko batek bultzaturik hasten dira teknologia berria erabiltzen (ordenagailuko jokoetan jolasteko, mp4ean musika eta filmeak ikusteko…). Azken finean, beraientzat teknologiaren alderdi erakargarria den hori, ondo pasatzeko erabiltzen dute soilik, inork ez baitie bestelako etekinak ateratzeko erabiltzen irakatsi.

Eskolak, oro har, betiko metodologia tradizionala erabiltzen jarraitzen du. Egungo gizarteak teknologia berriarekin duen harreman estu hori, apenas antzematen da ikasgeletan. Gure aburuz, teknologia berriaren bestelako erabilpenak eskaintzearen betebeharra du eskolak, egungo gizartearen beharrei egokituz, umeei ikuspegi aberatsago bat eskainiz eta behin betiko metodologia tradizionalarekinn apurtuz.

Bartolomé, Sarai
Elizegi, Lurdes
Etxeberria, Esti

9. eguna

2008-04-29T04:33:00.000-07:00

Gaurko klasean, denbora librea utzi digu irakasleak irakasgai honetarako egin behar ditugun lan ezberdinak aurreratzen joateko.
Ondorioz, talde bezala Access programarekin egin behar dugun lan bat aurreratu dugu eta forora igo behar genuen komentario bat igo dugu ere bai:

"Irakaskuntzan ...nola izan behar da teknologiaren erabilpen "kritika" bat? Bideoak ikusi ondoren eta taldean gure bizitza eta irakaskuntzan teknologiaren eraginari buruz pentsatu ondoren talde bakoitzeko iritzia forora igo. Orri bateko komentarioak( 25 lerro) idatzi zuen ikuspegitik esperientzia horretan esanguratsuena azpimarratuz. Kontutan hartu Hernandezen aportazioa eta Elkarrikertuz proiektuarena. Gure ikuspegia teknologiari buruz ( bere eragina gure bizitzan, gizartean, zientzian, etabarrean) nola baloratzen dugu( bere benetako papera bilatuz) alda dezakegu?. Beste taldeek egindako komentarioei 10-15 lerroko balorazioa egin.

Gure aburuz, eskola pixkanaka teknologiaren erabilera sustatzen ari den arren, nahiko hankamotz gelditu da bertan gauzatzen diren teknologia berriekin erlazionaturiko aktibitate eta metodologiari dagokionean. Teknologia berria oso erakargarria izan ohi da haurrentzat, eta normalki teknologia hori erabiltzen hasten dira txiki-txikitatik. Baina teknologia berriari ematen dioten erabilera, erabat ludikoa izan ohi da eta eskolak ez dio haurrek teknologian ikusten duten erakargarritasun horri probetxua ateratzen. Teknologia berriek haurren egunerokotasunean duten garrantziaz baliatuz, honen bestelako erabilera baten ereduak eskaini beharko lituzke, modu horretan, hau, lanerako baliabide bezala eskainiz umeei.

Guk ere, ikasle izan garen aldetik, eskolan teknologiaren erabilera eskasa egiten dela deritzogu. Hau dela eta, oraingoan, irakasle izan behar dugun aldetik, nahiko galdurik aurkitzen gara teknologiak eskolako lanetan aplikatzerako garaian.

Sallent de Gallego eskolan egiten den proposamena, esaterako, oso aproposa iruditzen zaigu. Haurrei, beren kabuz munduari bira egiteko lantxo bat proposatzen zaie, honela bada, teknologia berriak erabiliz (internet, programa desberdinak…) informazioa bilatu eta munduko hiriburu desberdinei buruzko lantxoa egiten dute. Nolabait esanda, teknologia berria lan hori egiteko baliabide gisa aurkezten zaie eta beren kabuz hori erabiltzen ikasten dute.

Elkarrikertuz proiektuak egiten dituen proposamenak ere oso interesagarriak iruditzen zaizkigu. Beste gauzen artean, etorkizuneko irakasleak prestatu eta teknologia berrien erabilera bultzatu nahi ditu. Guretzat eta irakasle izango garela aintzat hartuta, teknologia berriak ikasgelako ekintzetan nola txertatu erabakitzerako orduan nahiko galduta ibiltzen garela eta, oso interesgarria eta aberasgarria dela iruditzen zaigu.

Bartolomé, Sarai
Elizegi, Lurdes
Etxeberria, Esti "

8. eguna

2008-04-23T01:16:00.000-07:00

Gaur, Access programarekin ibili gara saltseatzen.
Datu base berri bat sortu dugu, honela, hurrengo egun baterako egin behar den lan bat burutu ahal izango dugu.
Jarraitu behar diren pauso guztien irudiak gogoratu ahal izateko, tekladuan dagoen "Impr pant PetSis" botoia sacatu dut eta irudi hauek Paint programan irekiz gorde ditut.

Hauexek dira jarraitu ditugun pausoak:

7. eguna

2008-04-22T03:55:00.000-07:00

Gaurkoan, Museo Biziak orrialdean sartu eta bertan erregistratu gara.
Bakoitzak bere gustuaren arabera pertsonalizatu du orria (fondoa aukeratu, hizkien koloreak...) eta bitartean, bertan zer egin daitekeen aztertzen egon gara.

Ondoren, irakasgaiaren bukaera aldera egin beharko dugun bideoklip bati buruz hitz egin dugu. Bideoklip horren ezaugarriak zeintzuk izan behar diren komentatu ondoren, Museo Biziak orrialdera igo beharko dugula esan digu irakasleak. Honela, bertara jotzen duten eta erregistratuta dauden guztiek ikusi ahal izango dituzte talde bakoitzaren aipatutako bideoklip hauek.

6. eguna

2008-04-16T01:05:00.000-07:00

Gaur, beste gauza batzuen artean, Iñakik eta Mirenek iazko plastikako irakasgaian egindako bideoa ikusi dugu. Bideo honetan, beraiek proposatutako jarduera batzuen bitartez, teknologia berriak eskolan nola landu daitezkeen ikusi dugu.

Bideo honekin batera, teknologia berriek eskolan hartu behar duten paperari buruz egon gara hizketan eta azkenean, konklusio batera iritsi gara: teknologiak baliabide gisa erabili behar dira eta ez helburu zuzena bezala.

Eredu tradizionalean, irakasleak agindu eta zer egin behar den joaten da esaten. Kasu honetan, berriz, ikaslearen motibazioen araberako ekintzak gauzatzen ditu irakasleak. Ondorioz, bere papera ez da agintzearena izango; jarduerak gidatu, behar diren azalpenak eman, pentsatzen lagundu eta haurren sormena garatzen laguntzea baizik.

Honetaz hitz egiteaz gain, aurreko batean ikusitako power point-a berrikusi dugu, IKASTAROA III hain zuzen ere. Bertan, agertzen diren programa ezberdinak aztertzen jarraitu dugu.

5. eguna

2008-04-15T04:51:00.000-07:00

Gaur, Movie Maker programa erabiltzen ikasi dugu; gure bideo pertsonalak egin ahal izateko programa, alegia. Argazki eta bideoen bitartez sortzen diren bideo sinple edota konplexuagoak gauzatu daitezke (hori norberaren arabera). Gainera, ez da oso zaila manejatzeko eta Photo Story programa baino elaboratuagoa da.

Programa honi buruzko oinarrizko informazioa eman ondoren, irakasleak gure erritmora saltseatzen utzi digu pixka bat eta honela, hobeto ezagutu ahal izan dugu programa honen erabilpena.

Dena den, Photo Storyz aparte, beste programa batzuk ezagutu ditugu ere. Adibidez, musikarekin gauza ezberdinak egiteko balio duen programa bat: Audacity.

Programa horiek ikusteaz gain, Kaltura web orrialdean sartzeko denbora eman digu eta honetan erregistratu ondoren, guk sortutako bideo-proba bat egin dugu genituen argazki batzuekin.

Azkenean, bideoa bukatzerakoan, nire blogera igo dut...

4. eguna

2008-04-09T00:52:00.000-07:00

Klaseari hasiera emateko, hiru bideoklip ikusi ditugu non teknologia berriei buruz hitz egin den. Hiru horiek ikusi ondoren, hauei buruz egon gara hizketan gure iritzia zein den komentatuz.

Gaur egun teknologia berriek hartzen ari duten garrantzia ikaragarria dela eta hori ikasguneetan geroz eta gehiago antzematen ari dela aipatu dugu.
Galdera batzuk ere plazaratu dira klaseko momentu horretan.... :
Zein da teknologia berriei ematen zaien erabilgarritasuna bizitza pertsonalean? eta eskoletan? Baliabide gisa edota beste gauzetarako erabiltzen diren tresna hutsak dira?

Horri buruz hasi gara hizketan, eta ondorio batera ere iritsi gara beste gauza gehiagoren artean: Askotan jendeak, baliabide gisa erabili ordez, beste helburu batzuetarako erabiltzen dituela teknologia berriak.
Gure helburua, ordea, bestelakoa izango litzateke:
Hauen bitartez, nahi ditugun helburu edota ideiak burutu ahal izatea.

3. eguna, Antzinako Donostia

2008-04-08T05:05:00.001-07:00

3. eguna

2008-04-08T03:16:00.000-07:00

GALDETEGIA

Bi modutara igotzen dut nire galdetegia,
Google docs-etik: galdetegia
Slidesharetik:

| View | Upload your own

Alde batetik, galdetegia egiten bukatu dut...

Bestalde, programa berri bat erabiltzen ikasi dugu gaur:
Photo Story, hain zuzen ere. Photo Story programa erabiliz, moddlen gordeta dauden irudi batzuekin bideo bat sortzen joan gara.
Hasteko, irudiak insertatzen eta ordenean jartzen joan gara, ondoren, argazki bakoitzean egokia izan zitekeen tituluren bat joan gara ipintzen. Hori bukatutakoan, musika ipintzeko aukera zegoenez, ordenagailuan gordeta dauden abesti batzuk insertatu ditugu probatzen joateko. Eta azkenik, egindako bideo-proba hau gorde dugu gure blogean sartu ahal izateko.
Egindako bideo-proba hau, blogaren hurrengo atalean aurkitzen da "Antzinako Donostia" izenburuarekin.

2. eguna

2008-04-02T01:25:00.000-07:00

Gaurkoan, jarraian aurkitzen den power point-a ikusi ondoren, Charlot-en bideoa ikusi eta bi hauek gure blogean sartzen aritu gara. Honetarako, Slideshare erabili dugu. Honen bidez, ikusitako power pointa deskargatu dugu eta horri esker, gure blogean sartzeko aukera izango dugu .

| View | Upload your own

Charloten bideoa, berriz, ez dugu slideshare-ren bitartez igo. Kasu honetan, blogera igotzeko prozesu guzti hori gauzatzeko, bideoaren gainean klikatuz lortu dugu. Bertan klik eginez, Googlen dagoen Charloten bideora iritsi gara eta ondoren, gure blogean sartu dugu.

Lehenengo eguna

2008-04-01T04:23:00.000-07:00

Gaur, irakasgaiaren aurkezpena izan dugu.
Kurtsoan zehar egingo ditugun gauzak komentatu dira eta hori hobeto ulertzeko, moodleko plataforman sartu gara.
Irakasgaiari hasiera emateko, bakoitzak Googlen kontu bat sortu du (satxu1987@gmail.com). Kontu horri esker, gurea izango den Blog bat diseñatu ahal izan dugu.

Aupaa!

2008-04-01T04:16:00.000-07:00

Hauxe izango da Teknologia Berriak irakasgaian egunero egiten ditugun jarduerak azaltzeko erabiliko dudan gunea.
Ongi etorri nire Blog-era!